"Chanel" 37.9 milyard dollarla ən dəyərli geyim brendi seçildi

"Nike" dünyanın ən güclü, "Chanel" isə ən dəyərli geyim brendi seçilib.

Valyuta.az xəbər verir ki, "Brand Finance" şirkətinin 2025-ci il üzrə hesabatına əsasən, "Nike" 94.7 xallıq Brend Gücü İndeksi ilə dünyanın ən güclü geyim brendi olub.

Brend eyni zamanda sektorlararası sıralamada ikinci yeri tutub.

Bu il "Chanel"in brend dəyəri 45% artaraq 37.9 milyard ABŞ dollarına çatıb və "Louis Vuitton"u geridə qoyaraq dünyanın ən dəyərli geyim brendi seçilib.

Ən sürətlə böyüyən brend isə 79% artımla "Reebok" olub. Şirkətin böyüməsi geniş auditoriyaya yönəlmiş kampaniyalarla əlaqələndirilir.

Çinli "Bosideng" brendi də 2.1 milyard dollar brend dəyəri ilə reytinqdə 45-ci yerə yüksəlib və 81.1 xallıq göstərici ilə 18-ci ən güclü brend kimi qeydə alınıb.

Mayya Hüseynova