Bu ərazidə 36 milyon manatlıq çoxmərtəbəli binalar tikiləcək

Abşeron rayonunun Saray qəsəbəsində genişmiqyaslı yaşayış kompleksi inşa ediləcək.

Valyuta.az xəbər verir ki, layihə 4,5 hektar ərazini əhatə edir və burada həm çoxmənzilli, həm də qeyri-yaşayış təyinatlı binaların inşası nəzərdə tutulur.

Tikinti çərçivəsində 1 və 4 nömrəli 12 mərtəbəli, 2 və 3 nömrəli 16 mərtəbəli yaşayış binalarının inşası planlaşdırılır. Həmçinin, 14 və 15 nömrəli 1 mərtəbəli qeyri-yaşayış obyektləri də layihəyə daxildir.

Sifarişçi qurum "MİDA" Məhdud Məsuliyyətli Cəmiyyətidir. Tikinti işlərinin ümumi dəyəri 36 milyon 311 min 571 manat 28 qəpik olaraq qiymətləndirilir.

Mayya Hüseynova