Bu 5 bank müştərilərə daha yüksək məbləğdə nağd kredit verir

Azərbaycanda fəaliyyət göstərən bir sıra banklar müxtəlif məbləğ və müddət aralığında istehlak kreditləri (nağd pul krediti) təklif edirlər. Şərtlər bankdan banka dəyişsə də, təklif olunan maksimum məbləğ, faiz dərəcələri və müddət vətəndaşlara fərqli seçim imkanı yaradır.

Valyuta.az xəbər verir ki, banklara nəzər saldıqda ən yüksək məbləği "Xalq Bank", "Bank Avrasiya", "Premium Bank", "Expressbank", "Unibank" verir. 

"Xalq Bank" müştərilərə maksimum 150 000 manat məbləğində nağd kredit təklif edir. Kreditin müddəti 59 ayadək nəzərdə tutulub, illik faiz dərəcəsi isə 12 faizdən başlayaraq 18 faizə qədər yüksələ bilər.

"Bank Avrasiya" 1 000 manatdan 100 000 manatadək kredit təqdim edir. Kreditlər 12 aydan 59 ayadək müddət üçün verilir. Faiz dərəcəsi 13 faizdən başlayır.

"Premium Bank"ın təqdim etdiyi nağd kreditin maksimum məbləği 80 000 manatdır. Kreditin müddəti 6 aydan 59 ayadək dəyişir. Faiz dərəcəsi 9,8 faizdən başlayır.

"Expressbank" 70 000 manatadək nağd kredit təqdim edir. Kreditin maksimum müddəti 59 ay təşkil edir. İllik faiz dərəcəsi 9,9 faizdən başlayır.

"Unibank" 50 000 manatadək kredit təklif edir. Kreditin müddəti 60 ayadək müəyyən olunub. İllik faiz dərəcəsi isə 9,5 faizdən başlayaraq 31,45 faizə qədər yüksələ bilər.

Mayya Hüseynova