Bir elektromobilin ölkəyə gətirilməsi xərci nə qədərdir?

Bu ilin yanvar-mart  aylarında Azərbaycan xaricdən 15 milyon 557 min dollar dəyərində 428 ədəd elektromobil idxal edib. 

Valyuta.az Dövlət Gömrük Komitəsinə istinadən xəbər verir ki, ötən ilin eyni dövrü ilə müqayisədə ölkəyə idxal olunan elektromobillərin sayı 402 ədəd və ya 48,4%, dəyəri isə 19 milyon 751 min və ya 55,9% azalıb.

Qeyd edək ki, 2024-cü ilin yanvar-mart aylarında ölkəyə 35 milyon 308 min dollar dəyərində 830 ədəd elektromobil gətirilib.

Bu ilin ilk üç ayında bir elektromobilin orta idxal dəyəri 36,3 min dollar təşkil edib. Ötən ilin yanvar-mart ayında isə bu rəqəm 42,4 min dollar idi. 

Bu isə illik müqayisədə 6,1 min dollar və ya 14,4% azdır.