Maliyyə sektorunda dələduzluğa qarşı yeni qaydalar hazırlanır

Azərbaycanda maliyyə sektorunda kibertəhlükəsizlik və dələduzluqla mübarizə tədbirləri gücləndirilir.

Valyuta.Az xəbər verir ki, bu barədə Azərbaycan Mərkəzi Bankının sədr müavini Vüsal Xəlilov Bakıda keçirilən X Beynəlxalq Maliyyə və Bankçılıq Sammitində çıxışı zamanı bildirib.

Onun sözlərinə görə, rəqəmsallaşmanın və nağdsız ödənişlərin artması ilə paralel olaraq dələduzluq riskləri də yüksəlir və bunun qarşısının alınması üçün kompleks tədbirlər həyata keçirilir.

“Biz artıq bir sıra qurumlarla səmərəli əməkdaşlıq və məlumat mübadiləsi aparırıq. Gələcəkdə bu istiqamətdə rəqəmsal həllərin daha da inkişaf etdirilməsini nəzərdə tuturuq. Həmçinin ilin sonuna qədər dələduzluğa qarşı yeni qaydaların bazarda tətbiq olunmasını gözləyirik. Bu, dələduzluğun idarə olunması baxımından mühüm addım olacaq”, – deyə o vurğulayıb.