Azərbaycana dini ziyarətə gələnlər yarım milyona yaxın pul xərcləyib

Cari ilin yanvar-aprel aylarında turizm məqsədilə Azərbaycana səfər edən əcnəbilər və vətəndaşlığı olmayan şəxslər ümumilikdə 696 milyon 666,1 min manat xərcləyiblər.

Valyuta.az xəbər verir ki, bu, ötən ilin eyni dövrü ilə müqayisədə 22,9% azdır. Xatırladaq ki, 2025-ci ilin yanvar-aprel aylarında bu göstərici 903 milyon 119 min manat təşkil etmişdi.

Ümumi xərclərdə azalma müşahidə olunsa da, dini ziyarət məqsədilə səfər edənlərin xərcləri artıb. Belə ki, bu istiqamət üzrə xərclər 488,3 min manat təşkil edib. Ötən ilin eyni dövründə isə bu rəqəm 460 min manat olub.

Bu isə dini ziyarət məqsədilə çəkilən xərclərin illik müqayisədə 28,3 min manat və ya 6,2% artdığını göstərir.

Sərvanə Rəmixanova