Azərbaycan sement ixracından nə qədər qazanıb?

Cari ilin yanvar-oktyabr aylarında Azərbaycan sement, hazır və ya klinker formasında 795 586,30 ton məhsul ixrac edib.

Valyuta.az xəbər verir ki, bu ixrac ölkəyə 50 milyon 180,99 min ABŞ dolları gəlir gətirib.

Ötən ilin eyni dövründə isə 695 656,66 ton sement ixrac olunub və bunun dəyəri 43 milyon 140,03 min dollar təşkil edib.

Müqayisə göstərir ki, sement ixracının həcmi 99 929,64 ton və ya 14,36%, dəyəri isə 7 040,96 min dollar və ya 16,32% artıb.