Azərbaycan ən çox bu ölkədən tozsoran alıb - Ədədi 30 manatdan

Cari ilin yanvar-iyun aylarında Azərbaycana 33 min 986 ədəd tozsoran idxal olunub.

Valyuta.az xəbər verir ki, idxalın ümumi dəyəri 971,99 min ABŞ dolları təşkil edib.

İdxalın əsas hissəsi Çindən reallaşıb. Belə ki, bu ölkədən 33 min 255 ədəd tozsoran gətirilib və dəyəri 594,07 min ABŞ dolları olub. Bir ədədin qiyməti orta hesabla 17 dollar və ya 30 manat təşkil edib.

İkinci sırada Bolqarıstan qərarlaşıb. Bu ölkədən 303 ədəd tozsoran idxal edilib, dəyəri isə 45,29 min ABŞ dolları olub. Bir ədədin qiyməti 150 dollar və ya 254 manat səviyyəsində olub.

Üçüncü yerdə isə Türkiyə gəlir. Sözügedən dövrdə bu ölkədən 269 ədəd tozsoran gətirilib, ümumi dəyəri 83,09 min ABŞ dolları təşkil edib. Bir ədədin qiyməti isə 308 dollar və ya 525 manat olub.

Qeyd edək ki, tozsoran idxalı yalnız bu ölkələrlə məhdudlaşmayıb, lakin ən böyük pay məhz Çin, Bolqarıstan və Türkiyənin payına düşüb.

Sərvanə Rəmixanova