"Atəşgah" Sığortanın ödənişləri 10 milyondan çox artıb

Bu ilin yanvar-iyul aylarında “Atəşgah” Sığorta ASC-nin həm sığorta haqqı, həm də sığorta ödənişi artıb. 

Valyuta.az xəbər verir ki, sözügedən sığorta şirkətinin bu müddət ərzində topladığı sığorta haqqı 37 milyon 84 min manat təşkil edib. 

Ötən ilin eyni dövründə isə şirkətin sığorta haqqı 33 milyon 211 min manat olub. 

Beləliklə, illik müqayisədə şirkətin topladığı sığorta haqqındakı artım 3 milyon 873 min manat və ya 11,66% olub. 

“Atəşgah” Sığorta ASC-nin sığorta yığımları ilə bərabər sığorta ödənişlərində də artım müşahidə olunub. 

Belə ki, ötən ilin ilk 7 ayında sığorta şirkətinin sığorta ödənişləri 12 milyon 263 min manat olub. 2025-ci ilin yanvar-iyul ayında isə “Atəşgah” Sığorta ASC 22 milyon 877 min manat təşkil edib. 

Nəticədə, şirkətin sığorta ödənişləri illik müqayisədə 10 milyon 614 min manat 86,55% artım olub. 

Son olaraq, “Atəşgah” Sığorta ASC ötən ilin eyni dövründə hər 100 manatdan 36,92 manatı ödənişə ayırırdısa, bu ilin eyni dövründə şirkət söğorta ödənişi üçün 61,68 manat ayırıb. 

Sərvanə Rəmixanova