“AL Market”ə yeni marketinq direktoru təyin olundu - FOTO

“AL Market” marketinq idarəçiliyində yeni təyinat həyata keçirib. Şirkətin marketinq rəhbəri vəzifəsinə Nigar Nadirli təyin olunub.

Valyuta.az xəbər verir ki, Nadirli bundan əvvəl — 2017–2022-ci illərdə “AL Market”də işləyib və bunun da 3 ili şirkətin Marketinq və İctimaiyyətlə Əlaqələr şöbəsinin rəhbəri vəzifəsində çalışıb.

Nadirli bu təyinatadək “Batıgöz Azərbaycan”da marketinq direktoru vəzifəsində fəaliyyət göstərib. Bundan əvvəl isə “Auto Azerbaijan”, “Bravo Supermarket Azerbaijan” və “Azersun Holding” kimi şirkətlərdə müxtəlif rəhbər marketinq vəzifələrində çalışıb.

Bakı Slavyan Universitetinin məzunu olan Nadirli marketinq, CRM və rəqəmsal marketinq sahələrində bir sıra beynəlxalq sertifikatlara malikdir.

Qeyd edək ki, “AL Market” Azərbaycanın ən böyük pərakəndə satış şəbəkələrindən biridir və ölkə üzrə yüzlərlə mağaza ilə fəaliyyət göstərir.

Mələksəda Ziyad