AFB Bank-dan tibb işçilərinə özəl nağd kredit kampaniyası  ®

AFB Bank tibb işçiləri üçün xüsusi nağd kredit kampaniyasına start verib. Kampaniya  çərçivəsində kreditlər 3%-dək faiz endirimi və komissiyasız rəsmiləşdirmə imkanı ilə təqdim olunur ki, bu da müştərilərə maliyyə ehtiyaclarını daha sərfəli şərtlərlə qarşılamağa imkan verir. 

Kampaniya çərçivəsində tibb işçiləri 50 000 AZN-dək nağd pul kreditini 10.5%-dən başlayan illik faiz dərəcəsi ilə əldə edə bilərlər. Kreditlər 59 ayadək müddətə rəsmiləşdirilir və müştərilərə ödənişlərini daha rahat planlaşdırmaq imkanı yaradır. 

Kampaniyanın digər üstünlüklərindən biri isə kreditin başdan-başa onlayn şəkildə rəsmiləşdirilməsi imkanının təqdim edilməsidir. Belə ki, tibb işçiləri banka gəlmədən, əlavə vaxt sərf etmədən və iş qrafiklərini pozmadan kredit sifarişlərini tam rəqəmsal şəkildə həyata  keçirə bilirlər. 

AFB Bank müştərilərinin ehtiyaclarına uyğun maliyyə həlləri təqdim etməyə davam edir. “Tibb işçilərinə özəl” kampaniyası da səhiyyə sahəsində çalışan şəxslərə daha əlverişli və rahat kredit 
imkanları yaratmaq məqsədi daşıyır. 

Kampaniyadan yararlanmaq üçün linkə keçid edin. 

Hazırda AFB Bank ölkə üzrə 12 satış nöqtəsi ilə fəaliyyət göstərir. Bankın həyata keçirdiyi Transformasiya Strategiyası çərçivəsində müştərilər üçün daha sərfəli, əlçatan və müasir  maliyyə həllərinin təqdim olunması əsas prioritetlərdən biridir. Müştərilər həmçinin 1545 qısa nömrəli Məlumat Mərkəzi, mobil bank və internet bank vasitəsilə də bank xidmətlərindən rahat şəkildə yararlana bilirlər.