"ABB"nin balansındakı əmlaklar satışa çıxarılır - QİYMƏTLƏR

27 noyabr tarixində "Azərbaycan Beynəlxalq Bankı" ASC-nin balansında olan iki daşınmaz əmlak hərraca çıxarılacaq.

Valyuta.az xəbər verir ki, hərracda satışa çıxarılan əmlaklar qeyri-yaşayış təyinatlı binalardır.

Birinci əmlak Şamaxı şəhərində, Məmmədəmin Rəsulzadə küçəsi 85 ünvanında yerləşir. Ümumi sahəsi 273.2 kvadratmetr olan bina 0.0233 hektar torpaq sahəsində yerləşir. Bu əmlakın start qiyməti 186 385 manat, 10% beh məbləği isə 18 638,50 manat təşkil edir.

İkinci əmlak isə Ağdaş şəhərində, Heydər Əliyev prospekti 190 ünvanında yerləşir. Sahəsi 191.8 kvadratmetr olan bu qeyri-yaşayış binası 0.0429 hektar torpaq sahəsini əhatə edir. Start qiyməti 210 022 manat olan əmlak üçün beh məbləği 21 002,20 manat müəyyən edilib.

Mayya Hüseynova