1 milyon dollarlıq ətir - 1500 saata hazırlanıb

Dünyada lüks məhsullar arasında özünəməxsus yeri olan ətirlər sadəcə qoxu deyil, həm də incəsənət nümunəsi kimi qəbul edilir.

Valyuta.az xəbər verir ki, DKNY brendinin təqdim etdiyi Golden Delicious ətri dünyanın ən bahalı ətri adını qazanıb.

1 milyon dollar dəyərində olan bu parfüm sadəcə flakonunun zərif dizaynı ilə deyil, həm də özünəməxsus qoxusu ilə diqqət çəkir. Flakonu 3000-dən çox qiymətli daşla bəzədilən bu şedevr üzərində 1500 saatdan çox iş görülüb. 
Ətirin tərkibində sarı alma, portağal çiçəyi və Mirabelle gavalısı kimi təbii notlar mövcuddur.

DKNY Golden Delicious sadəcə bir parfüm deyil, həm də lüksün və zərifliyin simvolu hesab olunur.

Nəzrin Abbas