“Biz Qarabağda, işğaldan azad olunan ərazilərdə deyilik. Məhz bu səbəbdən bilmirik ki, orada iaşə obyektlərində qiymətlər neçədir. Bəlkə bu kiminsə üçün baha, kiminsə üçün ucuzdur”.

Bunu Valyuta.az-a açıqlamasında iqtisadçı ekspert Eyyub Kərimli Qarabağda iaşə obyektlərində qiymətlərin baha olması ilə bağlı məlumatlardan danışarkən deyib. Onun sözlərinə görə, qiymətləri müqayisə etmək üçün əldə faktlar olmalıdır:

“İkincisi, orada iaşə obyektlərində çalışan sahibkarların da çətinliyi var. Yol, nəqliyyat xərci, ora daşınma və s. bunların hamısına maliyyə sərf olunur. Bu da öz növbəsində qiymətlərin baha olmasına təsir edir”.

Ekspert bildirib ki, Qarabağda sahibkarlıq fəaliyyəti ilə məşğul olan subyektlərə dövlət tərəfindən müəyyən güzəştlər də tətbiq edilib:

“Bu qiymətlərin ucuz olmasına təsir etməlidir. Bu baxımdan müstəqil fikir bildirmək üçün orada iaşə obyeklərindəki qiymətlərini araşdırmaq yerinə düşər”.

Qeyd edək ki, tanınmış jurnalist İlham Tumas Laçından, Zəngilandan və digər işğaldan azad olunmuş rayonlardan “Böyük Qayıdış”la bağlı həyəcanlı xəbərlər gəldiyini vurğulayıb. O bildirib ki, insanların doğma yurd-yuvalarında rahat yaşayışları üçün şərait yetərincə deyil. 

Aylin