Artım dərəcələri və performans qiymətləndirmələrinin yekunlaşması ilə yeni il bir çox işçi üçün yeni başlanğıc deməkdir. Bu səbəbdən yanvar ayı işçilər üçün yeni iş axtarışlarının artdığı bir dövrdür. 

Valyuta.az xəbər verir ki, “Monster” iş axtarış saytının məlumatına görə, yeni ilin ilk çərşənbəsi iş axtarmağa başlamaq üçün ən yaxşı gün elan edilib. Statistikalar göstərir ki, yanvar ayı iş axtarışı baxımından çox aktiv aydır.

Hər yeni il öncəsi müxtəlif qərarlar qəbul edilir. Tətil və şəxsi inkişaf üçün planlar hazırlanır, sağlamlıq vədləri verilir və tez-tez “Mən yeni işə hazırammı? "Hazırkı işimdən razıyam?" sualları da ağıla gəlir. Monster saytı bildirir ki, apardığı araşdırmaya görə yanvar ayı bu dəyişiklik üçün son dərəcə uyğundur. 

İşə müraciətlər ümumiyyətlə ilk çərşənbə günü artır və ay ərzində dinamik şəkildə davam edir. Yanvarın dekabrdan daha aktiv olması dekabrın ümumilikdə bayram planları və yeni ilə qədəm qoyma həyəcanı ilə dolu olması ilə əlaqələndirilir. Yanvarın gəlişi indi planların həyata keçməli olduğuna işarə kimi qəbul edilir. Maddi çətinliklərdən qurtulmaq üçün maaş artımı gözləmək, potensialımızı tam istifadə edə biləcəyimiz məhsuldar bir iş, yeniliyə və inkişafı dəyərləndirən bir idarəçi və fərqli həmkarlar arzularımız arasında ola bilər.

Yalnız işindən narazı olanlar iş axtarmır

“CareerBuilder”in insan resursları mütəxəssisi Rosemary Haefner deyir ki, onların sorğularında hər 5 işçidən biri həmişə iş elanlarına baxır. “Y” nəsli yenə sürprizlərlə doludur. 30 faiz hər ilin sonunda hazırkı işini tərk edib yeni işə başlamağa hazırdır.

Əvəz Həsənov