Hazırda Azərbaycanın beynəlxalq ticarət əlaqələri inkişaf edir. Son bir neçə ildir ki, fiziki şəxslər tərəfindən də müxtəlif ölkələrin onlayn platformalarından sifariş edilən məhsulların ölkə ərazisinə gətirilməsində artım müşahidə edilir.

Bu sırada üstünlüyü yüngül tekstil məhsulları saxlasa da, ölkədə fəaliyyət göstərən karqo şirkətləri vasitəsi ilə, ölkəyə geyimdən başlayaraq, qida, kiçik ev əşyaları, müxtəlif ev dekoru ilə bağlı əşyalar, kiçik məişət texnikasl gətirmək olur.

Lakin ölkə ərazisinə beynəlxalq poçt göndərişlərində göndərilməsi qadağan olan mal və əşyalar da mövcuddur. 

Valyuta.az Azərbaycan Respublikasına fiziki şəxslər tərəfindən gətirilməsi və beynəlxalq poçt göndərişləri vasitəsi ilə alınması qadağan olunmuş malların siyahısını təqdim edir:

- yivli odlu silah növləri, döyüş sursatı, hərbi təyinatlı bütün əşyalar, partlayıcı maddələr və hərbi texnika
- Azərbaycan Respublikasının ərazisinə idxalı qadağan olunan əşyalar.
- Telefon, powerbank, planşet
- Səs gücləndiricilər (Pikaplar, gramafonlar, DVD player, dinamiklər, hoparlör və maqnit tərkibli digər məhsullar)
- Qida məhsulları
- Kamerası və səsyazması olan saatlar
- Spirtli içkilərin bütün növləri, pivə və tütün məhsulları
- Gizli kamera
- Akkumlyatorlar
- Amortizatorlar
- Hover Board skuteri
- Hava nəqliyyatı ilə daşınılması qadağan olunan əşyalar (Məs: dəmir qabda spreylər.)
- Radioaktiv maddələr.
- Narkotik və psixotrop maddələr, onlardan istifadə üçün ləvazimatlar.
- Əxlaq pozğunluğunun, zorakılığın, terrorizmin təbliğini və reklamını edən materiallar.
- Dinlə bağlı materiallar.
- Narkotik, psixotrop, zəhərləyici, partlayıcı maddələrin hazırlanması texnologiyasına aid materiallar.
- Canlı heyvanlar 
- Bitki və toxumlar
- Hər cür silah növləri, döyüş sursatı, hərbi təyinatlı hər cür əşyalar, partlayıcı maddələr, hərbi texnika.
- Xüsusi məxfi rabitə vasitələri, onların şifrləri və istismarı haqqında ədəbiyyat.
- Müdafiə, Milli Təhlükəsizlik və Daxili İşlər nazirliklərinin operativ istintaq fəaliyyəti üzrə informasiya sistemləri, sənədləri və arxivləri.
- Dövlət əhəmiyyətli sənədlər, ixtiralar, layihələr.
- Xammal şəklində olan qiymətli metallar və qiymətli qaşlar.

Bundan başqa fiziki şəxslər tərəfindən təyinatı istehsal, yaxud kommersiya məqsədləri üçün nəzərdə tutulmayan hesab edilmiş aşağıda göstərilən mallar güzəştli qaydada (gömrük ödənişlərini ödəmədən) Azərbaycan Respublikasının gömrük sərhədindən keçirilə bilər:

- beynəlxalq poçt göndərişləri və ya daşıyıcı şirkət vasitəsilə eyni fiziki şəxsin adına hər təqvim ayı müddətində ümumi gömrük dəyəri 300 ABŞ dolları ekvivalenti məbləğindən artıq olmayan gömrük ərazisinə gətirilən mallar;
- poçt göndərişləri və ya daşıyıcı şirkət vasitəsilə gömrük ərazisindən göndərilən mallar
 
Davud