"Fizyoopediatri Rehabilitasyon Merkezi" Məhdud Məsuliyyətli Cəmiyyəti barəsində Səhiyyə Nazirliyi tərəfindən cərimə protokolu tərtib edilib.

Valyuta.az-ın məlumatına görə, nazirlik tərəfindən sözügedən mərkəzə İnzibati Xətalar Məcəlləsinin 210.1-ci maddəsi ilə cərimə protokolu yazılıb.

Bu maddə lisenziya olmadan özəl tibbi fəaliyyətlə və ya əczaçılıqla məşğul olmaqla bağlıdır. 

Maddədə inzibati cəza növü kimi fiziki şəxslərin 2000 manatdan 3000 manatadək, vəzifəli şəxslərin 5000 manatdan 10 000 manatadək, hüquqi şəxslərin isə 20 000 manatdan 30 000 manatadək məbləğdə cərimə edilməsi nəzərdə tutulur.

 İşə 18.09.2024-cü il tarixində Bakı Şəhəri Binəqədi Rayon Məhkəməsinin hakimi Abbas Rzayevin sədrliyi ilə baxılacaq.

Sadiq İsbəndərli