Xəbər verdiyimiz kimi, "Naxçıvan" Universiteti məhdud məsuliyyətli cəmiyyət (MMC) ləğv edildiyini elan edib.

Valyuta.az xəbər verir ki, Elm və Ali Təhsil üzrə Dövlət Agentliyindən Modern.az-a Naxçıvan Universitetinin tələbələrinin köçürülməsi prosesinin 2024-cü ilin fevral ayından başlandığı bildirilib.

“Artıq bütün tələbələrin köçürülməsi yekunlaşıb. Universitetdə təhsil alanların əksəriyyəti Naxçıvan Dövlət Universitetinə, digərləri isə başqa ali təhsil  müəssisələrinə köçürülüblər. Prosesin bu vaxta qədər davam etməsinin səbəbi isə sonuncu kurs tələbələri ilə bağlıdır. Belə ki, müəssisənin bağlanması üçün onlar təhsillərini başa vurmalı idilər”, - məlumatda qeyd olunub.

Qurum rəsmisi sonda qeyd edib ki, Naxçıvan Universiteti özəl ali təhsil müəssisəsi olsa da, tələbələri dövlət ali təhsil müəssisələrinə köçürülüblər.