2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təşviqat mərhələsi çərçivəsində 120 saylı Cəbrayıl-Qubadlı seçki dairəsindən namizəd vəkil Sərdar İsmayılov “Qobu Park-1” yaşayış massivində seçicilərlə görüş keçirib. 

Valyuta.az xəbər verir ki, Sərdar İsmayılov əvvəlcə Azərbaycanda keçirilən Parlament seçkilərinin xüsusi ilə təmsil olunduğu bölgədə olmasını əlamətdar hadisə kimi dəyərləndirib, Ali Baş Komandanın siyasəti nəticəsində azad olunan torpaqlarımızda bütöv Azərbaycanda Milli Məclisə ilk seçkilərin olduğunu nəzərə çatdırıb. Görüş zamanı hüquqşünas, vəkil Sərdar İsmayılov tərəfindən seçicilərin istəkləri dinlənilib, seçki platforması açıqlanıb, deputat seçildiyi təqdirdə problemlərin aradan qalxması istiqamətində mütərəqqi addımlar atılacağına söz verib.

Qeyd edək ki, qələbəliklə davam edən görüşdə hərbi ekspert Ramil Məmmədli, Politoloq Qədir Aslan da çıxış edərək seçiciləri vəkil Sərdar İsmayılova səs verməyə çağırıb. Təbliğat-təşviqat kampaniyasının sonunda Sərdar İsmayılov seçicilərə yaxınlaşaraq fərdi söhbətlər aparıb, onların istəkləri, narazı olduqları məsələlər dinlənilib.