Prezident İlham Əliyev ölkəmizdə olimpiyadada yüksək nəticə göstərənləri mükafatlandırıb. Belə ki, birinci yeri tutan hər bir idmançıya 400 min, ikinci yeri tutan hər bir idmançıya 200 min, üçüncü yeri tutan hər bir idmançıya 100 min manat verilib.

Bəs qardaş Türkiyədə olimpiyadada yüksək nəticə göstərənlərə nə qədər mükafat verilir?

Valyuta.az Türkiyə mediasına istinadən xəbər verir ki, Türkiyədə bu il qızıl medal qazanan olmasa da bundan əvvəlki olimpiya oyunlarında bu məbləğ 1000 Cümhuriyyət qızılına, yəni 17 milyon 589 min Türkiyə lirəsinə (891 min 285 manat) bərabər olub.

Bununla yanaşı Türkiyə ikinci yerə tutan hər bir idmançıya 600 Cümhuriyyət qızılı (10 milyon 553,4 min Türkiyə lirəsi – 534 min 771 manat), üçüncü yeri tutan hər bir idmançıya 300 Cümhuriyyət qızılı (5 milyon 276,7 min Türkiyə lirəsi – 267 min 385 manat) mükafat verilir.

Əvəz Həsənov