İspaniya futbolunun əzəli rəqibləri Real Madrid və Barselonanın perspektivli ulduz adları Arda Gülər və Lamine Yamalın müqavilə detalları məlum olub.

Valyuta.az xəbər verir ki, “Capology” saytındakı məlumatlara görə, Arda Gülər vergilər daxil ildə 5,2 milyon avrodan çox qazanır. Onun vergisiz qazancı 2,5 milyon avrodur. O, öz yaş qrupunda ən çox qazanan adlardan biridir. Onun qazancı həftədə həftədə 100 min avro edir. Arda Gülerin 6 illik müqaviləsi var və bu müddət ərzində alacağı ümumi maaş vergilər daxil olmaqla 31 milyon 200 min avrodur. Bonuslar bu hesablara daxil edilmir. Onun sərbəst qalma məbləği məlum deyil.

Lamine Yamal hər il 1,67 milyon avro qazanır. Vergilər çıxılanda onun illik xalis gəliri 800 min avro civarında olur. Onun 3 illik müqaviləsi var və bu müddət ərzində alacağı maaş vergilərlə birlikdə 5 milyon 10 min avrodur. Bonuslar hesablamaya daxil edilmir. Ancaq onun yeni futbol müqaviləsi alması an məsələsidir. O, həftədə 32 min avro qazanır. Sərbəst qalma məbləği 1 milyard avrodur.

Qeyd edək ki, Arda Güler 19, Lamine Yamal 16 yaşındadır.

Əvəz Həsənov