Dövlət Gömrük Komitəsi (DGK) Naxçıvan Avtomobil Zavodu barəsində inzibati iş başlayıb. 

Valyuta.az xəbər verir ki, zavoda qarşı İnzibati Xətalar Məcəlləsinin 485.2-ci (Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsi) maddəsi ilə ittiham irəli sürülüb. 

İş baxılması üçün Naxçıvan Şəhər Məhkəməsinə göndərilib. 

İyulun 5-nə iş üzrə məhkəmə baxış iclası təyin edilib. 

İclas hakim Gülsüm Əliyevanın sədrliyi ilə keçiriləcək.

485.2-ci maddəyə görə vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir.

Hüseyn