“İcraçı Kredit Agentliyi” (BOKT) MMC növbəti dəfə zərər edib.

Valyuta.az xəbər verir ki, BOKT-nin xalis zərəri ötən il 173,9 min manata çatıb ki, bu da 2022-ci ilə nisbətən 8,1% çoxdur. 2022-ci ildə "İcraçı Kredit Agentliyi” 160 min manat zərər açıqlamışdı. 

BOKT ötən 89,3 min manat xalis faiz gəliri əldə edib. Amma 2022-ci ildə olduğu kimi ötən ildə inzibati və əməliyyat xərcləri yüksək olub. Ötən il kredit təşkilatının sözügedən xərcləri 294,5 min manat təşkil edib.  Nəticədə BOKT-nin vergidən əvvəlki zərəri 180 min manata çatıb. 

"İcraçı Kredit Agentliyi”nin ötən il cəmi aktivləri 1,3 milyon manatndan 1,1 milyon manata,  cəmi öhdəlikləri 139,9 min manatdan 112,7 min manata, cəmi kapitalı isə 1,17 milyon manatdan 991,5 min manata enib.

Xatırladaq ki, "İcraçı Kredit Agentliyi” 2012-ci ildə yaradılıb. Onun səhmlərinin 17,8%-i 5 hüquqi şəxsə, 82,2%-i isə 9 fiziki şəxsə məxsusdur.

Leyli