Sabah Avropa İttifaqının iqlim fəaliyyəti üzrə komissarı Vopke Hoekstra noyabrda Bakıda keçiriləcək COP29 konfransına hazırlıqla bağlı görüşlər keçirmək üçün Azərbaycana səfər edəcək.

Avropa İttifaqının Azərbaycandakı nümayəndəliyindən Valyuta.az-a verilən məlumata görə, komissar Hoekstra COP29-un prezidenti, Azərbaycanın ekologiya və təbii sərvətlər naziri Muxtar Babayev və COP29-un Rəyasət heyəti ilə görüşəcək.

O, həmçinin energetika naziri Pərviz Şahbazov və xarici işlər naziri Ceyhun Bayramovla ikitərəfli görüşlər keçirəcək.

Komissar Azərbaycanda vətəndaş cəmiyyətinin nümayəndələri ilə də fikir mübadiləsi aparacaq.