“PAŞA Kapital İnvestisiya Şirkəti” QSC-nin İdarə Heyəti sədrinə yeni müşavir təyin edilib.

Banker.az xəbər ver ki, bu, İlqar Tağıyevdir.

O, 2021-ci ilin dekabrından 2024-cü ilin iyununa qədər Asiya İnkişaf Bankı (ADB) milli layihə koordinatoru idi.

İlqar Tağıyev buna qədər Dünya Bankında, “Bank of Baku” ASC, “Qafaz Leasing” ASC, “Embafinans” BOKT QSC (direktor), “Yelo Bank” ASC (əvvəlki “Nikoil Bank”) kimi maliyyə təşkilatlarında çalışıb.

Hazırda “PAŞA Kapital İ.Ş.”nin İdarə Heyətinin sədri Ceyhun Hacıyev, onun müavinin isə Rauf Qurbanovdur.

Xatırladaq ki, “PAŞA Kapital” 2012-ci ildə yaradılıb. Onun nizamnamə kapitalı 300 min manatdır. İnvestisiya şirkətinin səhmləri 100% daxil olduğu “PAŞA Holdinq” MMC-yə məxsusdur.