Bu ilin ilk 5 ayı ərzində Azərbaycanda 1 389 ədəd minik avtomobili istehsal edilib.

Yeniavaz.com açıqlanan rəsmi məlumatlara istinadən bildirir ki, ötən ilin analoji dövrü ilə müqayisədə minik avtomobillərinin istehsalı 12,2% azalıb.

Bundan başqa bu ilin yanvar-may aylarında ölkədə 254 ədəd yük avtomobili istehsal olunub və ötən ilin analoji dövrü ilə müqayisədə 75,2% artıb.

Qeyd edək ki, bu ilin ilk 5 ayında gün ərzində orta hesabla 9 ədəd avtomobil istehsal olunub.