Ruzanna Bəşirova
    Xərclər üzrə konsultant 

Hər ay bir neçə ad günü, özəl gün, dəvət və bayramlar olanda, istər-istəməz hədiyyələrə pul çatdırmaq mümkün olmaya bilər. Bu zaman sual yaranır: Necə edim ki, başqalarına hədiyyə aldığım zaman büdcəm də sevinsin?

Bu yazıda hər kəs üçün işlək olan və qənaətli büdcə ilə hədiyyə seçimləri tapmağa çalışmışam.

İlk olaraq hədiyyələri qadın, kişi və uşaqlar kateqoriyasına bölək.

Xanımlara hədiyyə seçiriksə, nəzərə alaq ki, onlar hər şeyi elə rahatlıqla bəyənmir. Digər tərəfdə isə xərclərimiz bizi çox üzməməlidir. O zaman aşağıdakı hədiyyələri seçə bilərik.

Xanımlar üçün büdcəyə uyğun və ən optimal hədiyyələri tapmağa çalışdım.

1. Təbii daşlardan olan aksesuarlar, qolbağ, boyunbağı və klonlar, üzük, sırğa, yaxa sancağı.

2. Dibçək gülləri (buketlərdən daha münasib qiymətə başa gəlir və daha uzunömürlüdürlər).

3. Ətirli və dekorativ şamlar.

4. Müxtəlif təyinatlı kuponlar.

Kişilər üçün hədiyyə alan zaman isə, seçim azlığı bir az işimizi çətinləşdirir.

Buna görə kişilər üçün hədiyyə seçərkən onların peşələrinə, hobbilərinə və ya maşınları varsa, ona uyğunlaşdırmaq olar.

1. Maşın üçün ətir və ya başqa bir aksesuar.

2. Sevdiyi idman klubunun emblemi olan hər hansısa bir aksesuar.

3. Peşəsinə uyğun masaüstü suvenir.

4. Şəxsin xarakterinə və səmimilik dərəcəsinə uyğun olaraq bir az daha səmimi hədiyyələr də seçmək olar. Əgər istifadə edirsə, qolbağ, futbol komandasının loqosu olan şərf, corab və ya futbolka.
5. İdman klubuna üzv olan şəxslər üçnü idman aksesuarları

Uşaqlar üçün ən yaxşı hədiyyələr onların həm də öyrənmə və inkişafına kömək edən hədiyyələrdir:

1. Müxtəlif masterklaslar.
2. Konstruktor tipli oyuncaqlar.
3. Rəngləmə və boyama.
4. Ev şəraitində məşğul ola biləcəkləri idman alətləri.

Kitablar, hansısa film, tamaşa və ya konsert üçün bilet isə həm qadın, həm kişi, həm də uşaqlar üçün edilə biləcək ən gözəl hədiyyədir.