“Bank BTB” Açıq Səhmdar Cəmiyyəti (ASC) ilə “Santex-Servis Konvent” MMC arasında kredit müqaviləsinə dair mübahisə yaranıb. 

Valyuta.az xəbər verir ki, bank bu mübahisədən dolayı məhkəməyə müraciət edib. 

İddiaya Bakı Kommersiya Məhkəməsində baxılacaq. 

İş hakim Kənan Hüseynovun icraatındadır. 

 "BTB Bank” 2010-cu ildə yaradılıb. Onun nizamnamə kapitalı 66 450 000 AZN-dir. 

Bankın səhmlərin 75 faizi Nigar İsmayıl qızı Mehdiyevaya məxsusdur. Nigar Mehdiyeva Azərbaycan Milli Elmlər Akademiyasının keçmiş prezidenti, akademik Ramiz Mehdiyevin gəlinidir. O, akademikin fövqəladə hallar nazirinin müavini olan oğlu Timur Mehdiyevin xanımıdır. 

Ramiz Mehdiyev "BTB Bank”la bağlı açıqlamalarında bankın oğluna məxsus olduğunu təsdiqləyib.

Ötən ilin sonlarında məlumat yayılmışdı ki, “Bank BTB” ASC satışa cıxarılıb. 

“Santex-Servis Konvent” MMC-yə gəlincə, şirkət 2016-cı ildə qeydiyyata alınıb. Nizamnamə kapitalı 10 AZN-dir. Şirkətin qanuni təmsilçisi Hidayətov Rauf Seyfəddin oğludur. 

Amma şirkətin sahibi Rauf Hidayətovun atası Seyfəddin Hidayətovdur. 

Yeri gəlmişkən, “Bank BTB” ASC şirkətlə yanaşı Seyfəddin Hidayətovu da məhkəməyə verib. 

Hüseyn