Bakı Kristal Zalı barəsində inzibati iş başlanıb. 

Valyuta.az xəbər verir ki, idman-əyləncə kompleksi İnzibati Xətalar Məcəlləsinin 233.1-ci (Ətraf mühitə atılan, axıdılan və ya basdırılan zərərli maddələrin miqdarının yol verilə bilən normativlərdən artıq olması) maddəsi ilə ittiham edilir. 

İşə Səbail Rayon Məhkəməsində baxılacaq. 

233.1-ci maddəyə görə vəzifəli şəxslər iki min beş yüz manatdan dörd min manatadək məbləğdə, hüquqi şəxslər on min beş yüz manatdan on iki min beş yüz manatadək məbləğdə cərimə edilir.

Bakı Kristal Zalı 2012-ci ildən fəaliyyət göstərir. “Avroviziya 2012” mahnı müsabiqəsi bu zalda keçirilib. 

Hüseyn