Portuqaliyalı superulduz Kriştiano Ronaldonun adı "Binance" kriptovalyuta birjası ilə əlaqədar ABŞ-da bir milyard dollarlıq (790 milyon funt-sterlinq) məhkəmə iddiasına düşüb.

Valyuta.az xəbər verir ki, “Mançester Yunayted”in keçmiş forvardı, dəfələrlə “Qızıl top”un qalibi olmuş 37 yaşlı futbolçu 2022-ci ildə "Binance"la əməkdaşlıq çərçivəsində "CR7" seriyalı işlək virtual sikkələr (NFTs) istehsal etdi. Hansı ki, ən ucuz sikkə məhz onlar idi. Sözügedən sikkələr keçən il 77 dollara (60,76 funt-sterlinq) satışa çıxarıldı. Lakin 12 aydan sonra həmin tokenlər cəmi bir dollar (0,79 funt-sterlinq) dəyərində oldu.

İddiaçılara görə, Ronaldo bu addımı ilə investisiyaçılara bir milyard dollardan çox zərər verib. ABŞ-nın Florida ştatında Cənub Dairə Məhkəməsinə verilən şikayətdə Ronaldonun "Binance" ilə koordinasiyada qeydiyyatdan keçməmiş qiymətli kağızların təklifi və satışında təşviq, kömək və yaxud fəal iştirak etdiyi iddia olunub. Digər iddialarda, Ronaldonun kriptovalyutası üçün axtarışların 500 faiz artmasına səbəb olduğu iddia edilir.

Keçən il sosial mediada paylaşılan bir videoda kriptovalyutaların çeşidi ilə bağlı danışarkən Ronaldo, "Biz NFT oyununu dəyişdirəcəyik və futbolu növbəti səviyyəyə aparacağıq" - sözlərini söyləmişdi. İddiaçılar Ronaldonun nə qədər maaş aldığını açıqlamalı olduğunu, lakin bunu etmədiyini bildirirlər.

"DeVere Group" adlı konsaltinq firmasının müdiri Naycel Qrin isə BBC-yə açıqlamasında, problemlərin bir futbolçudan daha geniş olduğunu bildirib: "Təkcə Ronaldonu günahlandırmağın mürəkkəb məsələni çox asanlaşdırdığını qəbul etmək vacibdir. Əvəzində diqqət bu inkişaf edən maliyyə mənzərəsi üçün aydın təlimatlar yaratmaqda ləng olan qlobal tənzimləyicilərə yönəldilməlidir". Portuqaliyalı ulduz bu həftənin əvvəlində sosial mediada açıqlamasında "bir şey hazırladıqlarını" deyərkən hələ də "Binance"la işlədiyinə eyham vurub.

Keçən il "Mançester Yunayted"dən Səudiyyə Ərəbistanı Pro Liqası təmsilçisi "Al-Nassr"a transfer olunub. Futbolçu keçidinin səbəbini izah edərkən Avropada bacardığı hər şeyə nail olduğunu bildirmişdi.

Elmir