Masallıda sahibkar yeri İcra Hakimiyyətindən narazdır. Azər İsmayılov adlı sahibkar Masallıda yeni tikdirdiyi supermarketinin bütün qanuni sənədlərinin olmasına baxmayaraq, fəaliyyət göstərə bilmədiyini bildirib.

Manset.az-a müraciət edən sahibkar bildirir ki, aylardır tikdirdiyi supermarket tam hazırdır. Onlar market fəaliyyəti üçün bütün lazimi texnikaları alıb, içərisi isə külli miqdarda mallarla doldurduqdan sonra İcra Hakimiyyətindən nümayəndələr gələrək, onların fəaliyyətinə mane olub. Belə ki, nümayəndələr rayon rəhbərliyinin göstərişi ilə sahibkar Azər İsmayılova supermarketi qapatmaq tapşırığı veriblər. Daha sonra ərazidə post qurulub. 

Sahibkarın dəfələrlə İcra Hakimiyytinə müraciət etməsinə baxmayaraq, məsələ həllini tapmayıb. İcərisində yarım milyondan çox ərzaq malları olan supermarket hazırda fəaliyyət göstərmir. Sahibkar isə aylardır işə qəbul etdiyi şəxslərə öz büdcəsindən ödənişlər edir. 

Azər İsmayılov bildirir ki, rayona yeni icra başçısı təyin olunduqdan sonra onun qara günləri başlayıb. Bu qeyri-yaşayış obyektindən əlavə sahibkarın daha bir qeyri-yaşayış sahəsinin qarşısını İcra Hakimiyyəti hördürüb. Hazırda supermarketin içərisində olan yarım milyondan çox ərzaq malları xarab olmaq üzrədir. 

“Bu yaxınlarda qanunsuz formada işığımı kəsdirdilər. "Azərişıq" rəhbərliyinin qəbuluna getdim, dərhal göstəriş verildi, problem həllini tapdı. Çünki sənədlərin qanunidir. Mən rayonda nə qədər xeyirxah işlər görmüşəm. Onları danışmaq mənə utanc verir. Çünki, vətən uğrunda şəhid olanlara qarşı xeyirxahlıq borcumuzdur. Rusiyada yaşayırdım. Vətən müharibəi zamanı cənab Prezidentin cağrışı ilə gəlib iş yerləri yaratmışam. Rayona kapital qoymuşam sonda da belə olub. İnanıram ki, dövlətim ədaləti bərpa edəcək. Rayondan işə qəbul edilən işçilər işə çıxacağı günü səbirsizliklə gözləyirlər", deyə Azər İsmayılov bildirib.

Məsələ ilə bağlı sayt Masallı Rayon İcra Hakimiyyətinin başçısı Araz Əhmədovla əlaqə saxlayıb. Başçı açıqlamasında bunları deyib:

“Bilirsiz, siz gərək İcra Hakimiyyətinə gələsiz. Mən də sizinlə görüşüb məsələni danışam. Deyəsən, orda sənədlərdə problemlər olmalıdır. Yer icarəyə götürülüb. Ancaq, deyirlər içərisi malla doludur. Mən köməklik göstərməyə çalışacam".

 

 

 

 

View this post on Instagram

 

 

 

 

 

 

 

 

 

 

 

A post shared by Manset.az (@manset.az)