Avqustda ərzaq məhsulları üzrə qiymət indeksi 0.8% yüksəlib. 

Bu barədə Valyuta.az-a Azərbaycan Mərkəzi Bankından məlumat verilib.

Bildirilir ki, illik ərzaq inflyasiyası isə 7.8% təşkil edib. 

Orta illik ərzaq inflyasiyası isə yanvar-avqust aylarında 5.4% olub. 

Mövsümi amillərin tarixi təhlilləri göstərir ki, son 10 ildə hər ilin may-avqust aylarında ərzaq məhsulları üzrə kumulyativ olaraq 3-7% deflyasiya müşahidə olunurdusa, cari ilin müvafiq mövsümündə cəmi 0.8% deflyasiya olub. 

Ərzaq inflyasiyasına dünya ərzaq qiymətlərinin yüksəlməkdə davam etməsi ciddi təsir göstərir. BMT-nin Ərzaq və Kənd Təsərrüfatı Təşkilatının məlumatına görə dünya ərzaq qiymətləri avqustda 3.1%, son bir ildə isə 32.9% yüksəlib.

Ömər Vəzirli