Azərbaycanda təhsil kreditləri nə zaman veriləcək? - Tarix açıqlandı
"Oktyabr ayının əvvəlindən etibarən təhsil tələbə kreditlərinin verilməsi planlaşdırılır".
Valyuta.az xəbər verir ki, bunu Təhsil Nazirliyinin Elm, ali və orta ixtisas təhsili şöbəsinin müdiri Nicat Məmmədli "Media və təhsil dialoqu" mövzusunda keçirilən təlimdə çıxışı zamanı deyib.
Bunun tamamilə yeni mexanizm olduğunu deyən N.Məmmədli, 80 milyon manatlıq nizamnamə fondunun olduğunu qeyd edib.
Şöbə müdiri, bu il 40 minə qədər tələbəyə təhsil kreditlərinin veriləcəyini diqqətə çatdırıb:
“Bura bakalavr və magistr səviyyəsi üzrə kreditlərin verilməsi nəzərdə tutulub. Sistemin hazırlanması, banklarla müqavilə, sığorta məsələləri artıq həll edilib”.
Nicat Məmmədli, bunların sosial və standart təhsil tələbə kreditləri olduğunu vurğulayıb:
"Sosial tələbə krediti götürən tələbənin semestr boyunca ümumi orta göstərici balı 70-dən yuxarı olarsa, təhsil kreditinə faiz hesablanmır, 91 baldan yuxarı olarsa, alınan kreditin 50 faizinin ödənilməsindən azad olunur. Sistemin hazırlanması, banklarla müqavilə, sığorta məsələləri artıq həll edilib”.
Bu il ali məktəbə qəbul olan I kurs tələbələrinin qeydiyyat mərhələsində ödəniş etmələri ilə bağlı məsələyə də aydınlıq gətirən N.Məmmədli qeyd edib ki, qaydalara əsasən I kurslar qeydiyyat zamanı təhsil haqlarını ödəməlidirlər:
"Lakin tələbənin kreditlə əlaqəli müraciətinə müsbət cavab veriləcəksə, o zaman həmin vəsait ali təhsil müəssisəsinin bank hesabına köçürüləcək və tələbə ödədiyi vəsaiti geri götürə biləcək. Sistem yenidir və öz qaydasına düşəndən sonra növbəti semestrlərdə kreditlərin verilməsi normal qaydada davam edəcək".
Ömər Vəzirli
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay