Bu ilin yanvar-avqust ayları ərzində Azərbaycandan digər ölkələrə 8 milyard 947 milyon 219,02 min ABŞ dollar həcmində neft məhsulları ixrac olunub. 

Valyuta.az xəbər verir ki, bu barədə Dövlət Gömrük Komitəsinin yaydığı hesabatda əks olunub.

2020-ci ilin ilk 8 ayı ərzində isə ixracın ümumi həcmi 8 milyard 726 milyon 888.61 min ABŞ dolları həcmində olub ki, bu da bir il ərzində 2 milyard 623 milyon 981,89 min dollarlıq və ya 23,12 faizlik artım baş verib. 

Qeyd edək ki, Azərbaycan 8 milyard 498 milyon 811.15 min dollar dəyərində və 18 milyard 771 milyon 176.40 min ton həcmində bitumlu süxurlardan alınmış xam neft və xam neft məhsulları ixrac edib. 

Ötən ilin analoji dövründə isə ölkəmiz 6 milyard 793 milyon 284.12 min ABŞ dolları dəyərində və 20 milyard 746 milyon 772.67 min ton həcmində adıçəkilən məhsul ixrac edib. Bu da onu göstərir ki, bir il ərzində ixracın dəyərində 1 milyard 705 milyon 527,03 min dollarlıq və ya 20,06 faizlik artım olsa da, həcmində isə 1 milyard 975 milyon 596,27 min ton azalma baş verib.

Bu dövr ərzində 971 milyon 028.11 min ton həcmində və 448 milyon 407.87 min dollar dəyərində  bitumlu süxurlardan alınmış neft və neft məhsulları (tərkibində neft və ya neft məhsullarının miqdarı 70 kütlə % və ya daha çox olan məhsullar – red) ixrac olunub. 

2020-ci ilin eyni dövründə isə bu məhsulların ümumi dəyəri 211 milyon 294.56 min dollar, həcmi isə 763 milyon 282.43 min ton təşkil edib. Aydın olur ki, bir il ərzində ixracın dəyərində 237 milyon 113,31 min dollar və ya 52,88 faiz, həcmində isə 207 milyon 745,68 min ton artım olub.

Ömər Vəzirli