Azərbaycanın xalis maliyyə aktivləri kəskin artıb – Gəlirlərin həcmi açıqlandı
2021-ci ilin 6 ayı üzrə ölkənin xalis maliyyə aktivləri 695.6 milyon ABŞ dolları həcmində artıb. Bu göstərici xaricə yönəldilmiş birbaşa investisiyalar (182.7 milyon dollar), portfel investisiyaları (255 milyon dollar) və digər investisiyalar (257.9 milyon dollar) hesabına formalaşıb.
Valyuta.az xəbər verir ki, bu barədə Azərbaycan Mərkəzi Bankının yaydığı hesabatda açıqlanıb.
Hesabat dövründə ölkənin xalis maliyyə öhdəlikləri isə 117.1 milyon dollar artıb ki, bu da xaricdən cəlb olunmuş xalis birbaşa investisiyalar (76.6 milyon dollar), neft bonusu (452.1 milyon dollar), portfel investisiyaları (0.6 milyon dollar) və digər investisiyalar (-412.2 milyon dollar) hesabına formalaşıb.
Birbaşa investisiyalar
Birbaşa investisiyalar formasında xaricdən cəlb olunmuş sərmayələrin ümumi məbləği 2.6 milyard dollar olub. Ölkə iqtisadiyyatına yatırılmış birbaşa investisiyaların strukturunda neft-qaz sektorunun xüsusi çəkisi 82.8% təşkil edib.
Cari dövr üzrə tədiyə balansında birbaşa investisiyalar maddəsinin neft-qaz sektoru üzrə xalis maliyyə öhdəliklərinin (-367.6 mln.$) azalması cəlb olunmuş investisiya ilə (2 milyard 182.0 milyon dollar) kapitalın repatriasiyası (2 milyard 549.6 milyon dollar) arasındakı fərqdən formalaşır.
Qiymətləndirmələrə görə qeyri-neft sektoruna cəlb olunmuş birbaşa investisiyaların ümumi məbləği 453.7 milyon dollar (38.1% artım) olub.
Portfel investisiyaları
Portfel investisiyaları üzrə xalis maliyyə aktivləri 255 milyon dollar, xalis maliyyə öhdəlikləri isə 0.6 milyon dollar artıb. Bunun nəticəsində də portfel investisiyaların axinları üzrə 254.4 milyon dollarlıq mənfi saldo yaranıb.
Hesabat dövründə portfel investisiyaları üzrə aktivlər əsasən neft-qaz (11.4 milyon dollar) sektorunun hesabına azalıb, dövlət (125.6 milyon dollar), bank (100.2 milyon dollar) və özəl (40.6 milyon dollar) sektorların hesabına isə artıb.
Öhdəliklər isə dövlət (2.9 milyon dollar) sektorunun hesabına azalıb və özəl (3.5 milyon dollar) sektorunun hesabına artıb.
Kreditlər və digər investisiyalar
Hesabat dövründə kreditlər və ssudalar üzrə xalis maliyyə aktivləri 4.8 milyon dollar artıb, xalis maliyyə öhdəlikləri isə 574.8 milyon dollar azalıb.
Kreditlər və ssudalar üzrə xalis maliyyə öhdəlikləri bank sektorunun kreditləri (1.9 milyon dollar) hesabına artıb, birbaşa dövlət kreditləri (254 milyon dollar), dövlət təminatlı kreditlər (151.8 milyon dollar), neft-qaz sektorunun kreditləri (142.1 milyon dollar), firmaların və digər müəssisələrin kreditləri (28.8 mln.$) hesabına isə azalıb.
Depozitlər və nağd valyuta üzrə xalis maliyyə aktivləri 10 milyon dollar artıb, xalis maliyyə öhdəlikləri isə 31.5 milyon dollar azalıb.
Rövşən Ziya
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay