Keçirilən nəzarət tədbirləri çərçivəsində 2021-ci il avqustun 31-də ölkə üzrə 408 ictimai iaşə obyektində 683 monitorinq keçirilib. Monitorinqlər zamanı 4 müəssisədə qanunvericiliyin tələblərinin kobud şəkildə pozulması faktları aşkar olunub. 

AQTA-dan Valyuta.az-a verilən xəbərə görə, aşkar edilmiş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.

Pozuntular aşkar edilmiş ictimai iaşə müəssisələri aşağıdakılardır:

1. Bakı şəhəri, Nizami rayonu, Məshəti küçəsi 1A ünvanında yerləşən, fiziki şəxs Verdiyev Samir İlham oğluna məxsus restoran;

2. Bakı şəhəri, Yasamal rayonu, Məhəmməd Xiyabani küçəsi 8K ünvanında yerləşən, fiziki şəxs Cümşüdov Cəsarət Nadir oğluna məxsus kafe;

3. Bakı şəhəri, Nizami rayonu, Z. Bünyadov pr. ilə H. Əliyev pr. kəsişməsində yerləşən, fiziki şəxs Məmmədzadə Nazim Qaçay oğluna məxsus kafe;

4. Sumqayıt şəhəri, 44-cü məhəllədə yerləşən, fiziki şəxs Məhərrəmov Zakir İsmayıl oğluna məxsus "Term" restoranı.

Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda AQTA müfəttişləri tərəfindən respublika üzrə monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcək.