Azərbaycanda fəaliyyət göstərən 26 bankdan 4-nün bu il iyulun 1-nə balans kapitalı 400 milyon manatdan çox olub.

Valyuta.az Marja.az-a istinadən xəbər verir ki, bunlar “Azərbaycan Beynəlxalq Bankı” (1 milyard 479 milyon 310 min manat), “Kapital Bank” (563 milyon 327 min manat), “PAŞA Bank” (544 milyon 592 min manat) və “Xalq Bank” (436 milyon 815 min manat) ASC-lərdir.

Qalan 22 bankdan 4-də balans kapitalı 100-200 milyon manat arasında, 17 bankda 10-100 milyon manat arasında, 1 bankda isə 10 milyon manatdan azdır.