Azərbaycanda bir neçə bankın bankomatlarda pul bitib.

Valyuta.az Marja.az-a istinadən xəbər verir ki, ən çox ödəniş kartlarına malik olan bankların bankomatlarında ya vəsait bitib ya da "xidmət göstərilmir" yazılıb.

Çətinlik ötən həfətinin cümə günündən yaşanır. Artıq 4-cü gündür ki, bir çox bankomatlardan nağd pul çıxartmaq mümkün deyil.

Məsələ ilə əlaqədar banklardan Marja-ya verilən məlumata görə, bankomatlarda pulun bitməsinin səbəbləri müxtəlifdir - istirahət günlərilə əlaqədar nağd pula təlabatın artması, təhlükəsizlik səbəbilə bir sıra ATM-lərə vəsaitin yerləşdirilməməsi və baş verən texniki nasazlıqlar. Əsas səbəb son vaxtlar nağd pulun çıxarılmasının artmasıdır.