Fermerlər bu il becərdikləri yemiş və qarpızın sahələrdə qaldığını deyirlər. Elə bazarlarda satıcılar da vəziyyətdən şikayətçidirlər.  Alıcı kütləsi də ötən ilə nisbətən çox aşağıdır.

Valyuta.az XezerXeber.az-a istinadən xəbər verir ki, paytaxt bazarlarında qarpız və yemişin satışı ilə məşğul olanlar qiymətlərin aşağı və bazarın zəif olmasından gileylənirlər. Elə Sabirabadda bu il qarpız və yemiş əkən təsərrüfat sahibləri də məhsulun ucuzluğundan narazıdırlar. 

Təsərrüfat sahiblərinin sözlərinə görə, hektarlarla əraziyə əkdikləri qarpız və yemişi indi sata bilmirlər. Məhsul ya ərazidə qalıb xarab olur, ya da dəyər-dəyməzinə satmağa məcburdurlar

Paytaxt bazarlarında isə qiymətlər müxtəlifdir. Bazarda hər qiymətə məhsul tapmaq mümkündür. Bununla belə satıcılar alıcıların az olduğunu deyirlər..

Vətəndaşlar isə bu məsələdə fərqli düşünürlər. 

Qeyd edək ki, qarpız və yemişin qiyməti yetişdirildiyi rayona görə də fərqlənir.