Bu ilin 6 ayı ərzində Azərbaycan ərazisində maqnitudası 3-dən yuxarı olan zəlzələlərin sayı 36 olub.

Valyuta.az xəbər verir ki, bu barədə Respublika Seysmoloji Xidmət Mərkəzinin 6 aylıq hesabatında yer alıb. 

Hesabatda vurğulanıb ki, qeydə alınan palçıq vulkanlarından sonuncusu iyulun 4-də Daşlı adasında baş verən palçıq vulkanı olub ki, həmin vukanda püskürmənin hündürlüyü 500 metrə çatıb.

2021-ci ilin I yarısında Böyük Qafqazın cənub-şərq yamacında, Zaqatala-Balakən zonasında seysmiklik zəif olub. Şamaxı-İsmayıllı, Talış və Qusar-Quba zonalarında aktivlik yüksək olub. Ağstafa və Şahbuz ərazilərində də seysmikliyin yüksək olması müşahidə olunub. 

Kiçik Qafqazda, Xəzər dənizində, İran və Türkiyə sərhədində isə seysmiklik zəif olub.