Ermənistan Azərbaycana qarşı həyata keçirtdiyi ekoloji terroru davam etdirir. Həm də tək yox, havadarları-xarici, xüsusilə, Qərb şirkətləri ilə birgə...

Valyuta.az XezerXeberaz-a istinadən xəbər verir ki, Ermənistanın dağ-mədən şirkətlərinin fəaliyyəti Zəngilan rayonu ərazisindən keçən Oxçuçayda fəlakətli vəziyyət yaradıb. Və bu prosesdə bir alman şirkəti də yaxından iştirak edir. 

Azərbaycan mediası məsələ ilə bağlı Almaniya səfirliyinə müraciət etsə də, səfirin cavabı elə əməllərinə uyğun oldu. Məsələ ört-basdır edilərək, diqqət şirkətin üzərindən yayındırıldı. Almaniya Yaşıllar Partiyası isə ümumiyyətlə mürarciətə saymazyana cavab verərək, Azərbaycana ayırmaq üçün vaxtlarının olmadığını bildirdilər.

Siyasi ekspert Əfsər Sadıqov deyir ki, belə olan halda Azərbaycan başqa yollara əl atmaq məcburiyyətində qalır:

“Bu, ilk belə hal deyil. Almaniya mediası müxtəlif illərdə Azərbaycana qarşı Soros şəbəkəsi tərəfindən təşkil edilən qarayaxma kampaniyalarında fəal iştirak edib. Bu kampaniyaların davamlı xarakter daşıması isə prosesdə Almaniya hökumətinin bilavasitə iştirak etdiyini göstərir”.

Əfsər Sadıqov deyir ki, Azərbaycan gec-tez baş verməkdə olan qeyri-hüquqi əməllərin qarşısını alacaq: 

“Çünki əlimizdə kifayət qədər faktlar var”.