Azərbaycanın Mərkəzi Bankı (AMB) üçün ödəniş xidmətlərinin rəqəmsallaşdırılmasında əsas məqsəd daha sadə, sürətli, təmassız və istehlakçılar üçün rahat ödəmə həllərinin təşviq etməklə ölkədə nağdsız iqtisadiyyatın artımında köklü dəyişikliyə nail olmaqdır.

Valyuta.az xəbər verir ki, bu barədə AMB-nin icraçı direktoru Fərid Osmanov bildirib.

"Həmin ödəmə xidmətlərinin bazara təqdim edilməsinin həm də yeni gəlir axınlarının və əlavə dəyər imkanlarının inkişafına yol açdığını deyən F.Osmanov bildirib ki, bu gün tərəfdaşları ilə birgə "2018-2020-ci illərdə Azərbaycan Respublikasında rəqəmsal ödənişlərin genişləndirilməsi üzrə Dövlət Proqramı" çərçivəsində dəmir yollarında yeni pilot təşəbbüsü uğurla istifadəyə verilir". 

AMB rəsmisi, Dövlət Proqramı daxilində ödənişlərin nəhəng dərəcədə artmasına nail olduqlarını diqqətə çatdırıb.

F. Osmanov qeyd edib ki, sözügedən dövlət proqramının fəaliyyəti çərçivəsində ölkədə ödəniş kartlarının sayı 44% artaraq 10,1 milyona, təmassız kartların sayı isə 5,5 dəfə artaraq 4,6 milyona çatıb.