Cari ilin may ayının 1-nə olan vəziyyətə görə, Azərbaycan banklarının ümumi pul bazası 14 milyard 692,8 milyon manat təşkil edib. 

Valyuta.az Mərkəzi Bankın yaydığı aylıq hesabata istinadən xəbər verir ki,  bu vəsait aprel ayının 1-nə olan vəziyyətə müvafiq olaraq, 128,2 milyon manat və ya 0,9 faiz azdır. Aydın olur ki, qeyd edilən dövrdə pul bazasının ümumi həcmi 14 milyard 821,0 manat təşkil edib. 

Qeyd edək ki, cari ilin dörd ayı ərzində bankların pul bazasının ümumi həcmi 57 milyard 771,6 milyon manat olub. 

Ötən ilin analoji dövründə isə bu vəsait 49 milyard 085,9 milyon manat həcmində olub. Bu da onu göstərir ki, bir il ərzində 8 milyard 685,7 milyon manat və ya 15 faiz, yəni ciddi artım baş verib.   

Rövşən Ziya