![](https://valyuta.az/file/articles/2024/07/19/1721388108_9115c750-0597-36d1-9aae-1ca01484554b_850.jpg)
Rusiya mehmanxanalarında halal standartlarının tətbiqinə başlanıldı
2024-cü ilin yanvar-mart aylarında Rusiyaya 1,3 milyon İslam turisti səfər edib ki, bu da ölkəyə gələn ümumi axının 62%-ni təşkil edir.
Valyuta.az xəbər verir ki, bu barədə Roskaçestvo-nun rəhbəri Maksim Protasov Gazeta.Ru-ya müsahibəsində danışıb.
Onun sözlərinə görə, bu məlumatlara əsaslansaq, İslam ölkələrindən gəlmə turizmin böyük perspektivləri var.
“Biz qonaqpərvərlik sənayemizdən xidmətlərin ixracını inkişaf etdirməliyik. Rusiyada mehmanxanalara halal standartlarını – “Muslim Friendly” formatını tətbiq etməyə başlayıblar. “Muslim Friendly” standartı təkcə Yaxın Şərq və BRİKS ölkələrindən gələn qonaqlara deyil, həm də ölkəmizin müsəlman regionlarından olan turistlərə keyfiyyətli xidmət göstərmək məqsədi daşıyır”, - Protasov qeyd edib.
O, standartın müsəlmanların mentalitetini və əsas ehtiyaclarını nəzərə aldığını açıqlayıb. Məsələn, otaqda qiblənin istiqamətini aydın göstərən işarə olmalıdır, şəxsi gigiyena vasitələrinin tərkibində halal olmayan komponentlər (məsələn, heyvan mənşəli emulqatorlar) olmamalıdır, mehmanxana işçiləri İslam hüququ üzrə təlim keçməli və onları öz işlərində tətbiq etməlidirlər. Protasov bildirib ki, bu standartın tətbiqi heç bir halda otelin digər dini konfessiyadan olan qonaqları qəbul etməsinə mane olmur. “Muslim Friendly” standartları və sertifikatlaşdırma sistemi 30-dan çox ölkədə fəaliyyət göstərir (standartın tətbiqində lider Malayziyadır) və Rusiyada əhəmiyyətli inkişaf perspektivləri var”, - deyə Protasov yekunlaşdırıb.
Nicat
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay