Təmizlik insanın uzunömürlülüyünə təsir edən ən mühüm amillərdən biridir. Təmiz su, hava, tullantıların idarə edilməsinin effektiv üsulları və lazımi sanitariya şəraiti həyat keyfiyyətinə təsir edir və insanın uzunömürlülüyünü artır.

Çirklənmə səviyyəsi yüksək olan ölkələrdə qeyri-infeksion xəstəliklərdən ölüm halları yüksəkdir. ÜST-nin məlumatına görə, dünyada bütün ölüm hallarının 74%-ni qeyri-infeksion xəstəliklər təşkil edir.

ABŞ-ın Yel və Kolumbiya Universitetləri tərəfindən ilə Beynəlxalq Ekoloji Fəaliyyətin Nəticələrinin İndeksi (Environmental Performance İndex) dünyanın 180 ölkəsinin təmizlik və ekoloji məlumatlılığını ölçüb.

BAKU.WS xarici mətbuata istinadən xəbər verir ki, dünyanın ən təmiz 10 ölkəsi:

1. Estoniya

Baltik dənizinə yaxın kiçik Avropa ölkəsi Estoniya dünyanın ən təmiz ölkəsi kimi qiymətləndirilib. EPI 2024 hesabatında 75,3 bal toplayıb.

Yaşıllığına, şirin su ehtiyatlarına, təmiz havasına və suyuna görə ən yüksək yer tuturdu.

2. Lüksemburq

Siyahıda ikinci ölkə Lüksemburqdur. EPI 2024 hesabatında 75 bal alıb. Kanalizasiya, içməli suyun keyfiyyəti və tullantı sularının təmizlənməsi üzrə yüksək nəticə göstərmişdir.

Lüksemburq həm də adambaşına düşən gəlirin ən yüksək olduğu dünyanın ən zəngin ölkələri sırasındadır.

3. Almaniya

Almaniya 74,6 balla dünyanın ən təmiz ölkələri siyahısında üçüncü yeri tutur. Bunun əsas səbəbi suyun və havanın keyfiyyətinin yüksək olmasıdır.

4- Finlandiya

Finlandiya siyahıda dördüncü yerdədir. Dünyanın ən xoşbəxt ölkəsi olması təəccüblü deyil. Çünki əla havası, suyun keyfiyyəti və birinci dərəcəli təhsil sistemi ilə dünyanın yaşamaq üçün ən yaxşı yerlərindən biridir.

5. İngiltərə

Təmizliyi, hava keyfiyyəti və çirklənmə səviyyəsini nəzərə alsaq, Böyük Britaniya dünyanın yaşamaq üçün ən yaxşı ölkələrindən biridir. Ciddi ekoloji qaydalara görə EPI 2024 hesabatında 72,7 bal toplayıb.

6. İsveç

İsveç dünyanın yaşamaq üçün ən yaxşı yerlərindən biri hesab olunur, planetin ən keyfiyyətli suya və havasına, əla sanitar şəraitə və azaldılmış tullantılara malikdir.

7. Norveç

Norveç dünyanın ən gözəl ölkələrindən biridir və şübhəsiz ki, dünyanın ən təmiz ölkələrindən biridir. Hesabatda 70 bal toplayıb və siyahıda 7-ci yerdə qərarlaşıb.

Norveç yüksək hava keyfiyyətinə, təmiz içməli suya, yaşıllığa və əla dəniz suyuna malikdir.

8. Avstriya

Avstriya Avropa qitəsində gözəl ölkədir və eyni zamanda dünyanın ən təmiz ölkələrindən biridir. O, yaşıllıqlarla, əla içməli su obyektləri ilə və havanın çirklənməsi və tullantıların idarə olunması üzrə ən ciddi standartlarla doludur.

9. İsveçrə

İsveçrə dünyanın ən gözəl ölkələrindən biridir və həm də dağları, şokoladları, pendirləri, saatları və maliyyə xidmətləri sənayesi ilə məşhurdur. Bura, kanalizasiya və içməli suyun keyfiyyət standartlarında yüksək nəticə göstərir. Həm də bol vəhşi təbiəti və yaşıllığı ilə seçilir.

10. Danimarka

Danimarka dünyanın ən təmiz ölkələrindən biri olan başqa bir Avropa ölkəsidir. Çirkab suların idarə edilməsi, kanalizasiya, dəniz mühafizəsi əraziləri və ağır metallar üzrə yüksək nəticə göstərir.

Danimarka istixana qazı emissiyalarının azaldılması və iqlim dəyişikliyinin qarşısının alınması üçün ən ciddi standartlara malikdir.