BAKU Azərbaycan
26.03°C
  • 1 ABŞ dolları
    1.7
  • 1 Avro
    1.8221
  • 1 Rusiya rublu
    0.0195
  • 1 Türkiyə lirəsi
    0.0517
  • 1 İngiltərə funt sterlinqi
    2.1525
49776

Halal hotel, islami hotel anlayışı var. Bu təcrübədən qardaş Türkiyədə uzun müddətdir və geniş şəkildə istifadə olunur. Azərbaycanda da bu tipli hotellərin xidmətlərindən yararlanmaq istəyənlərin böyük qismi Türkiyəyə üz tuturlar. Azərbaycanda da bəzi hotellərin reklamlarında halal məsələsinin qabardılmasını görürük.

Bəs halal hotel nədir? Azərbaycanda halal otel varmı?

Valyuta.az-a danışan turizm eksperti Ceyhun Aşurov halal hotellərin konsepti haqqında məlumat verdi: “Bu cür hotellərdə konsept adətən ailə konsepti olur, spirtli içkilərə icazə verilmir, yeməklərə daha çox diqqət olunduğunu deyir. Personallar islami dəyərlərə xüsusi diqqət və həssasiyyətlə yanaşırlar. Gələn qonaqların kontingentinə xüsusi diqqət yetirirlər. Bu hotellərdə adətən, saatlıq satışlara icazələr olmur. Halal hotel konseptinin müştəri seqmenti var. Buranın müştəriləri onun halallığına inanmaq istəyirlər. İslami hotel dedikdə ağıla o gəlməməlidir ki, burada yalnız müsəlmanlar və müsəlman ölkələrindən olan turistlər qalır”.

“Halal konsepsiyası ilə işləyən hotellər var, amma...”

Ekspert vurğuladı ki, hazırda Azərbaycanda sertifikatlar alan islami hotel yoxdur: “Halal hotel konsepsiyasının dünyada müəyyən olunmuş standartları var. Bəzi ölkələrdə islami qurumlar var ki, bu hotellərə xüsusi sertifikatlar verirlər. Azərbaycanda bu cür sertifikatlar alan islami hotel yoxdur. Ancaq halal konsepsiya ilə işləyən hotellər artıq Azərbaycanda da var. Bunların bəzilərini onlayn platformalarda və özlərinin sosial şəbəkə hesablarında görə bilirik”.

“Halal hotel yanaşması eyni zamanda həm də bir marketinq gedişidir. Çünki müəyyən seqmentə, tələbatı olan müştərilərə yönəlir ki, həmin müştərilər üçün bazarda belə bir təklif aktiv olaraq qalır. Bu təklif həmin seqment müştərilərin tələblərinə uyğun olduğu üçün bu cür hotellərin də işləməsinə və uğurlu ola bilməsinə imkan yaradır” – ekspert əlavə edib.

C.Aşurov islami hotellərin qiymətlərinin baha olduğunu dedi: “Dünyada bu tipli hotellərin qiyməti nisbətən daha baha olur. Çünki onlar spitli içki satışından, saatlıq satışlardan və s. kimi əlavə gəlirlərindən imtina edirlər. Amma bunun qarşılığında hotel qiymətlərini daha yüksək müəyyənləşdirirlər ki, öz xərclərini qarşılaya bilsinlər”. 

“Halal turizm ekoloji baxımdan daha əlverişlidir”

Azərbaycan Hotellər və Restoranlar Assosiasiyasının İdarə Heyətinin sədri, Azərbaycan Ekoturizm Assosiasiyasının icraçı direktoru Samir Dübəndi də deyir ki, Azərbaycanda bəzi hotellər, öz adlarının qarşısına halal hotel yazırlar, bəzi turizm turları ərəb ölkələrinə halal turlar təşkil edirlər, amma bu, geniş yayılmış təcrübə deyil. Bu istiqamətdə müəyyən cəhdlər var.

“Biz ərəb və müsəlman ölkələri ilə turizm mübadiləsi aparırıqsa, bu istiqamətdə hansısa irəliləyişlərin olacağı gözləniləndir. Halal hotellər, halal turizm ekoloji baxımdan daha əlverişlidir. Bildiyimiz kimi, islam qaydalarında insana, ətraf mühitə, qidanın hazırlanmasına olunan hörmət xüsusi yer tutur. Halal turizmdə dini qaydalara riayət etməklə yanaşı, qida məsələsi də çox vacibdir. Çünki halal-haram məsələləri qida məsələsində çox nəzərə çarpır” – o, əlavə edib.

S.Dübəndi bildir ki, hər bir turizm istiqamətini inkişaf etdirmək üçün həmin istiqamətin tənzimləyici bazası olmalıdır:

“Yəni, hər hansı standartlar, qaydalar və ya tələblər olmalıdır. Kimsə halal hotel konsepsiyasını qurmaq istəyirsə, istinad edəcək bir yer olmalıdır. Beynəlxalq sənədlər var ki, halal turizm sahəsində sertifikatlaşmalar verirlər. Bu bizə gəlib çatmayıb”.

Əvəz Həsənov

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

Son xəbərlər

Azərbaycana hansı ölkələrdən dondurma gətirilir?

Ölkəmizə palma yağının idxalı artır - "Bir çox məhsullarda istifadə edilsə də, tərkibləri gizlədilir"

Azərbaycanda mal ətinin topdansatış qiyməti 5 manatdır –Rəsmi

Turizm sektorunun sağalmayan yarası - Yolkənarı kafe-restoranlarda xidmətin keyfiyyəti niyə aşağıdır?

Beş dollara alınan qədim Maya vazası Meksikaya qaytarıldı

Qəzalar zamanı 19 işıqfor sıradan çıxıb- Video

Azərbaycan əhalisinin yanacaq xərcləri 1 milyard 250 milyon manatı ötüb

Psixi sağlamlığa zərər vermədən məzuniyyətdən qayıtmağın yolu

Azərbaycanda kərə yağı istehsalı azalıb

İran Ermənistanda tikdiyi zavoda əlavə 7 milyon sərmayə qoyacaq

Zaminsiz kredit götürmək üçün nə qədər sığorta pulu ödəməli olacağıq?

Çaylarda suyun səviyyəsi artıb, Şinçaydan sel keçib

"Honda" 2025-ci ildə dünyanın ən çox satılan mopedinin istehsalını dayandıracaq

65 yaşlı müəllimdən imtahanda yüksək nəticə

Böyük Vətən müharibəsi iştirakçılarının övladlarına hansı vergi güzəşti verilir?

PSJ-nin Mbappeyə 100 milyon avro borcu var

Gəlirli məhsuldur - Fermerlər əkin sahələrini genişləndirir

Yumor anlayışı olan yeni çatbot təqdim edildi

Ukrayna Qərbin verdiyi krediti bu yolla bağlayacaq

Azərbaycanın içki ixracı azalıb, idxalı artıb

Nazir bu xanımı direktor TƏYİN ETDİ - FOTO

Nazir bu xanımı direktor TƏYİN ETDİ - FOTO

İnsanların və süni intellektin birgə mövcud olduğu sosial şəbəkə istifadəyə verildi

COP29-a gələnlərə görə milli parklarda yeni turist marşrutları yaradılıb

“Laçın”ın qarşısındakı qanunsuz parkinq yığışdırıldı

"Taksi qiymətləri bahalaşacaq, problem həll olunmayacaq" - "Kaspi"nin ARAŞDIRMASI

Əlilliyi olan şəxslərə nələr pulsuz veriləcək? Baş nazir qərar imzaladı

Ölkə ərazisində qeyri-sabit hava şəraiti nə vaxtadək davam edəcək? - RƏSMİ AÇIQLAMA

MİQ imtahanlarının vaxtı məlum oldu - RƏSMİ

Qabiliyyət imtahanının vaxtı dəyişib - Səbəb

Bütün xəbərlər

Xəbərin mətnində orfoqrafik səhv var

Qeydinizi daxil edin