“2024-cü ilin 3-cü rübündən sonra Azərbaycana gələn turistlərin sayında artım olacaq”.

Bunu Valyuta.az-a açıqlamasında iqtisadçı ekspert Fuad İbrahimov deyib. Ekspert Azərbaycana gələn turistlərin sayının az olmasının səbəbini pandemiyanın başa çatmadığı ilə əlaqələndirib:

 “Biz pandemiyadan əvvəl Azərbaycana gələn turist sayına çatmamışıq. Pandemiya başlamamışdan əvvəl 2019-cu il Azərbaycan turizm sahəsində bəlkə də pik dövrü idi, ölkəyə kifayət qədər çox turisT gəlirdi. Pandemiya və bu da başa çatmamış müharibə şəraiti... Bunları xüsusi vurğulamaq lazımdı. Həmin vaxtı nəinki Azərbaycana turistlərin gəlişi, hətta bütün dünyada turizm sektoru iflic vəziyyətə düşdü”.

Ekspert hesab edir ki, 2024-cü ildə Azərbaycana gələn turustlərin sayında kəskin artım olacaq:

“Turist sayında sürətlə artım var. Nəzərə almalıyıq ki, turizm sektorunda xidmət edən hər bir insan ölkənin təbliğatını aparır. Bu gün kütləvi hal alarsa ki, ərəb turistlərindən pul qazanmaq məqsədi ilə hər hansı xidmətin baha həyata keçirilməsi, onlardan sui-istifadə hallarına yol verilməsi turistlərin sayına kəskin olaraq pis təsir edəcək. Müasir dövrdə düşünmək lazım deyil ki, başqa ölkədən gəliblər, hər şeyi baha satmaq lazımdır. Qısa zaman ərzində onlar alternativ məlumatlar ala bilərlər. Sadə dillə desək bunu biləndə ölkədən inciyəcəklər. Onların neqativ təbliğatı turizm sektoruna mənfi təsir edə bilər”.

Qeyd edək ki, statistikaya əsasən 2023-cü ilin ilk 10 ayında Ərəb dövlətlərindən Azərbaycana gələnlərin sayı 7,4 faiz azalıb.

Aylin