Cari mövsümdə Rusiya kurortlarında qiymətlər ümumilikdə 15% bahalaşıb. 

Valyuta.az xəbər verir ki, bu barədə Sutochno.ru xidmətinin baş direktoru Yuri Kuznetsov “Rossiyskaya qazeta”ya müsahibəsində bildirib.

Ekspert qeyd edib ki, istirahətin ən yüksək qiyməti Novorossiyskdə - 33% artaraq gündəlik 3217 rubla çatıb. Bu rəqəm Lazarevskidə 27% (gündəlik 3740 rubl), Vityazevdə 19% (3248 rubl).

Bu mövsüm ən çox Soçiyə tələbat olub. Populyarlığa görə ikinci yerdə Zelenogradsk, üçüncü yerdə isə Adler qərarlaşıb.

Ötən illə müqayisədə Sevastopolda qiymətlər 7% azalaraq gündəlik 3011 rubl təşkil edib. Yalta 8% (3857 rubl), Yeysk 17% (2771 rubl) bahalaşıb.

Paşa Məmmədli