BAKU Azərbaycan
28.03°C
  • 1 ABŞ dolları
    1.7
  • 1 Avro
    1.8366
  • 1 Rusiya rublu
    0.0191
  • 1 Türkiyə lirəsi
    0.0526
  • 1 İngiltərə funt sterlinqi
    2.1727
28670

Mövsümlə bağlı olaraq rayonlara turlar təşkil edən şirkətlərə müraciətlərdə aktivlik müşahidə edilir. 

Lakin istirahət üçün turlara müraciət edən vətəndaşlar heç də hər zaman gözlədikləri xidmətlə qarşılaşmırlar.

Əsasən sosial şəbəkə üzərindən insanlara tur paketlər təklif edib, daha sonra isə paketə daxil olan bir çox xidmətləri ixtisar edən tur şirkətləri var. 

Belə hallar da insanların haqlı narazılığına səbəb olur. Tur şirkətlərinin reklamlarında gülərüz tur rəhbərləri və əyləncəli oyunlar keçirilməsi vəd edilir. Lakin tur zamanı səfər edənlər tam əksi hallarla rastlaşdıqlarından şikayətlənirlər.

Daha geniş araşdırma apardıqda isə, nəinki reklamda göstərilən xidmətlərin ixtisarı, eyni zamanda nəqliyyat və təşkilat cəhətdən də ciddi problemlər yaşandığını görə bilərik. 

Mövzu ilə bağlı Azərbaycan Hotellər və Restoranlar Assosiasiyasının sədri Samir Dübəndi Bizim.Media ilə fikirlərini bölüşüb.

Ekspert hazırda tur şirkətlərinin çoxluğu səbəbindən onlar üzərində nəzarətin qeyri-mümkünlüyündən danışıb:

“Ölkədaxili turlar son 5-7 ildə daha populyar olub. Xüsusilə də pandemiyadan sonra tur şirkətlərinin sayı artıb. Tur operator və tur agentlikləri anlayışı var ki, dünya təcrubəsində bunlar bir-birindən fərqli fəaliyyət növləridir. Ölkəmizdə isə bu anlayış, demək olar ki, ayrılmır. Belə ki, özlərini “turagent” adlandıran şirkətlər həm də operator işi ilə məşğul olur. Yəni turizm məhsulları yaradaraq satmağa çalışır.

Ölkəxarici turlara isə bunu aid etmək yanlış olar. Nəzarət mexanizmini gəldikdə isə, düşünürəm ki, birbaşa dövlət mexanizmi olmalıdır. Ölkəmizdə bununla bağlı hüquqi baza var. Bununla onların fəaliyyətini daha səviyyəli tənzimlənməsi mümkündür. Bundan əlavə, turizm informasiya sistemi var və reyestr də işləyəcək. Həmin reyestr vasitəsilə dövlət qurumları və ictimai qurumlar hər bir şirkətin fəaliyyəti haqqında məlumatlı olacaq. Nəticədə bu sahədə vəziyyət bir qədər də şəffaflaşacaq. Həmçinin reyestr düzgün statistikanın aparılması və xidmətin keyfiyyətinə nəzarət üçün əlavə imkanlar verəcək”.

Ekspert bələdçilərin əksəriyyətinin işlərində səriştəsiz olması, təhlükəsizlik qaydalarına düzgün riayət olunmaması hallarını da ciddi problem kimi qiymətləndirib. 

“Daxili turlar əsasən təbii ərazilərə təşkil olunur və açıq səma altında fəaliyyətlə zənginləşir. Burda da turistlərin təhlükəsizliyi ön plana çıxır. Daxili turizm bazarında sığortalanmaya qismən əməl olunur. Bunu bir qədər təkmilləşdirmək vacibdir. Digər tərəfdən turizm şirkətlərində fəaliyyət göstərənlərin bu sahədə bilik və bacarıqlarına nəzarət olunmalıdır. Həmçinin tur rəhbərləri özü, yəni bələdçilər özü ilk növbədə təhlükəsizlik qaydalarına riayət etməlidir. Hər hansı təhlükəli vəziyyət yaranarsa onlara ilk yardım etməyi bacarmalıdır.

Təhlükəsizlik deyərkən, həm sığortalanma, həm də nəqliyyat vasitələrinin hazır vəziyyətdə olmasından söhbət gedir. Onlar kütləvi surətdə insan daşıyır, uzaq əraziyə səyahətə çıxır. Buna görə də istifadə olunan nəqliyyatın saz vəziyyətdə olması və turistlərin sığortalanması hər şeydən önəmlidir”.

Bundan əlavə, ekspert bildirib ki, turizm bölgələrində təhlükəsizlik tədbirləri  görülməli, müvafiq qurumlar tərəfindən vəziyyət daim nəzarətdə saxlanılmalıdır:

“Turistik ərazilərdə dayanacaqların vəziyyətinə diqqət yetirmək lazımdır. Məsələn, Quba rayonu ərazisində olan Afurca şəlaləsində təhlükəsizlik tədbirləri görülməyib. Şəlalənin kənarları açıqdır və insanın ayağı sürüşüb hər an yıxıla bilər. Bu cür ərazilərdə təhlükəsizlik tədbirlərinin görülməsi vacibdir. Problemlə bağlı dövlət qurumları da həmin sahələrə ciddi nəzarət etməli, təkcə cərimələrlə kifayətlənməməlidir”.
 

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

Son xəbərlər

"Diamond Motors" yanğın təhlükəsizliyi qaydalarını pozub?

"Apple" və "OpenAI" arasında müqavilənin təfərrüatları məlum oldu

Alimlər BRİKS çərçivəsində hesablaşmalar üçün valyuta vahidi hazırlamağa başladı

DSX ötən il geyim aldığı şirkətdən bu il it yemi alır

"Samsung" elektrik enerjisi sərf etməyən displey təqdim etdi

Özbəkistan bankı Rusiya ilə valyuta əməliyyatlarını dayandırdı

Deputatın şirkəti ticarət qaydalarını pozub?

"iPhone" hətta tamamilə bitmiş batareya ilə də qismən işləyə biləcək

ABŞ Rusiyanın qaz sektorunu vurdu: Novatekdən Qazpromun törəməsinə qədər

"Arazplast"a protokol tərtib edilib

Apple tərəfindən elan edilən “ağıllı” Siri gələn il də iPhone-da olmayacaq

Dövlət qurumu ilə şirkət arasında podrat müqaviləsinə dair mübahisə

Moskva birjasına qarşı sanksiyaların nəticələri məlum oldu

"Xırdalan Tibb Mərkəzi" məhkəmə qarşısında

Bayram günlərində Bakı-Ağstafa marşrutu üzrə əlavə 12 qatar reysi təyin edilib

"Bona Dea" Hospitalından maddi ziyan tələbi

Azərbaycandan xaricə birbaşa və tranzit yolla səfər üçün aviabiletlərin qiymətləri açıqlanıb

Sertifikasiya sualları standartlara uyğun deyil və ya onlar müəllimliyə necə qəbul olunublar?

Çin ABŞ-dan Rusiya ilə əlaqələrə görə sanksiyaları dayandırmağı tələb etdi

Türk lirəsi artıq ucuzlaşmır - MƏZƏNNƏ

Saray qəsəbəsində vətəndaşlara satmaq öhdəliyi ilə yeni kirayə mənzillər təklif olunacaq

Təhsil tələbə krediti alanların sayı açıqlanıb

Bayram günlərinin havası açıqlanıb

Əhalinin adambaşına düşən xərci 348,1 manat olub – Ən çox pulu nəyə xərcləyirik?

Kapital Bank-ın iştirakı ilə Naxçıvanda ilk “Karyera sərgisi” keçirildi ®

Bəhruz Bəhramov Dövlət Neft Fondunun İcraçı direktorunun müavini təyin edilib

Bəhruz Bəhramov Dövlət Neft Fondunun İcraçı direktorunun müavini təyin edilib

Nazirdən yeni təyinat (FOTO)

Azərbaycandan xaricə turist axını 28% artıb

Yüzdən çox təqaüdçünün kartından pul oğurlayan qadın saxlanılıb

Bütün xəbərlər

Xəbərin mətnində orfoqrafik səhv var

Qeydinizi daxil edin