Türkiyənin Egey və Aralıq dənizi bölgəsində meşə yanğınları davam edir. Yanğınlar ilə əlaqədar olaraq bölgənin turizm sektoru həm yanğınlar, həm də rezervasiyaların ləğvi ilə mübarizə aparır. Sektor nümayəndələri rezervasiya ləğvlərinin 20%-ə çatdığını söyləyirlər. 

Valyuta.az Marja.az-a istinadən xəbər verir ki, turizm rezervasiyalarının ləğvi bölgə iqtisadiyyatına mənfi təsir etməyə başlayıb. 

Cənubi Egey Turistik Otelçilər və Administratorlar Birliyi (GETOB) sədri Bülent Bülbüloğlu, rezervasiyalarda 20%-ə çatan ləğvlər olduğunu bildirib.

Bülbüloğlu, "Satışlarda da azalma müşahidə edirik. Uzun dövr satışları dayanmış vəziyyətdədir. Tək xahişimiz, ölkəmizin ağciyəri adlandırılan meşələrimizdəki yanğınların sürətlə söndürülməsidir", - deyib. 

Rusiya, Ukrayna və Polşadan gələn turist sayında ciddi bir sabitlik olduğunu ifadə edən Bülbüloğlu, "İngiltərədən gələcək qərarı gözləyirik. Oradan turist gəlməsi sektorumuzu sentyabr-oktyabr aylarında toparlayacaqdı. Hazırda üçün Rusiya, Ukrayna və Polşadan gələn turist sayında sabitlik yaşanır", bildirib. 

"Pronto Tour" şirkətinin İdarə heyətinin sədir Ali Onar isə yerli turistin Şimal Egey və Qaradənizə yönəldiyini bildirib:  

"Sektorumuz  üşün çox kədərli bir vəziyyətdir. Satışlar azalıb. Yerli turistin Cənubi  Egey və Qaradənizə üz tutduğunu görürük. İnsanların tətil etmək ehtiyacları davam edir. Yanğınların söndürülməsi halında həm rezervasiyaların, həm də satışların normala dönəcəyini düşünürəm".